MANAHIN MULA SA MGA PROPETA

    Ang mga Shia ay pinaghinalaan sa kanilang paniniwala na

ipinamamana ng mga Propeta ang anumang meron sila sa kanilang

tagapagmana na katulad ng ibang mga Muslim at naniniwala sila

na ang tradisyon na isinalaysay ni Abu Bakr, nang sabihin niyang,

“Kaming mga Propeta, ay hindi nagpapamana. Kung ano ang

naiwan namin, ito ay isinasaalang-alang na bilang kawang-gawa”

ay hindi totoo.

ANG KASAGUTAN

    Naniniwala ang mga Shia na ang mga Propeta ay ipinamamana

kung ano ang meron sila sa kanilang mga tagapagmana na katulad

lamang ng ibang tao. Pinatotohanan ito ng Banal na Koran nang

sabihin ng Allah,  “At si Solomon ay tagapagmana ni David.”

(27:16)

    Si Zachariah ay humiling sa Allah na nagsasabing  – tulad ng

nabanggit ng Allah sa Banal na Koran – ,48

     “At nangangamba ako sa aking mga kaanak na susunod sa

akin, at baog ang aking asawa. Kaya pagkalooban Mo ako ng

isang kahalili. Upang maging tagapagmana ko at tagapagmana

ng mga biyaya ng Tahanan ni Jacob. At gawin Mo siya,

Panginoon ko, na kasiya-siya sa Inyo. Sinabi ng Allah, „O

Zachariah, inihahatid Namin sa iyo ang mabuting balita tungkol

sa isang anak na pangangalanang Yahya. Wala pa kaming

tinatawag na iba sa ganoong pangalan.‟” (19:5-7)

    Napagkasunduan ng lahat ng mga Muslim na ang tradisyong ito

(Kaming mga propeta, ay hindi nagpapamana… ) ay isinalaysay

lamang ni Abu Bakr. Ito ay tumalaytay din ng salungat sa Banal na

Koran at walang makasuporta. Samakatuwid hindi ito

makapagpawalang bisa sa Banal na Koran lalung- lalo na ng

pinabulaanan ito ng pamilya ng Propeta at matapos tuligsain ni

Fatima az-Zahraa  (mapasakanya ang kapayapaan), ang pinuno ng

mga kababaihan sa buong mundo, na hindi totoo batay sa

ebidensyang di-mapabubulaanang tekstuwal na sinaksihan ng

karamihan. Napatahimik niya ang Khalifa na si Abu Bakr ng siya

ay mangatuwiran na mahirap maunawaan para sa Propeta ang

ipabatid lamang niya kay Abu Bakr ang tungkol dito at hindi niya

sasabihan sa kanyang mga tagapagmana. Ngunit ang sadyang

nakakagulat dito ay may mga tao na pilit na binababa ang antas ng

Banal na Koran sa antas nila, ipinawalang-bisa ang talata dahil

lamang sa salaysay ng isang Kasamahan para maisahan ang

hangarin kahit pa ang katotohanan niyan ay pinasinungalingan ang

tradisyon ng dalisay na pamilya ng Propeta at isaalang-alang ito na

hindi totoo.